Wa kaabti ug 24 oras ,tulo ka mga suspek sa pagpusil-patay ni Atty. Salvador Solima ug pag-angol sa asawa niini nga si Verrose , nadakpan na sa kapolisan sa dakbayan sa Sugbu.
Unang nadakpan ang magsoong Alberto ug Alvin Baluyos sa B. Aranas Duljo Fatima, samtang paglabay sa pipila ka oras nadakpan usab ang gunman nga si Recarti Del Corro alyas Blue Fox nga taga Tres de Abril sa Labangon .
Ang testigo nga ginganlan ug alyas “Regine” positibong nitudlo ni Del Corro nga maoy nisaka sa pinuy-anan ni Atty. Solima ug nakig-estorya bahin sa kaso nga ilang patabanan sa abogado , apan kalit kining namusil .
Ang testigo nitumbok usab sa magsoong Alberto ug Alvin Baluyos nga nagsilbing lookout sa ubos sa pinuy-anan sa mga Solima .
Samtang nanghimakak si Baluyos ug kalambigitan sa krimen , giangkon usab niini nga aduna siya paninglonon nga P7.5 milyones pesos gikan sa mga Solima tungod sa pagpalit sa ilang balay ug yuta sa B. Aranas , apan gidata-datahan lang siya ug ginagmay nga kantidad matag semana.
