General Santos City–Hingpit nang napasakaan ug kaso ang duha sa tulo ka mga suspetsadong responsabli sa brutal nga pagpatay sa retired member sa Arm Forces of the Philippines nga si Staff Sergeant Vergilio Casiple nga taga Malungon, Sarangani Province.
Sumala ni Police Sr. Inspector Robert Fores, deputy Chief of Police sa Police Station 2 ang mga gikasuhan ug kasong murder mao silang si Angel Natibidad ug si Nonoy Rempos.
Samtang nagdumili una sa pagbutyag si Fores sa usa pa ka suspek nga ilang gikasuhan.
Dugang pagbutyag ni PSI Fores nga giplanohan gyud sa mga suspek ang pagpatay sa retiradong sundalo subay na usab sa pahayag nga mga suspetsado naidtong Hulyo 10 ning kasamtangang tuig.
Human gipatay ila dayon kining gilubong daplin sa sapa sa may Purok Matinabangon, barangay Labangal apan usa ka bulan ang nakalabay, ila kining gibalhin ug lubong sa tumong nga dili mabolabog ang krimen nga ilang gihimo.
Samtang ginaimbistigahan pa usab sa kapulisan kung hain na ang kwarta sa biktima nga iyang gibutang sa bangko. Sumala pa sa asawa niini adunay gipatago nga dakong kantidad si Casipli sa bangko apan dihang ilang gisuta nakaclose na ang iyang account.
