General Santos City—Tugutan sa LGU Gensan nga makapauli dinhi sa lunsod ang mga residente nga na-stranded sa ubang lugar human na-abtan ug Enhance Community Quarantine higayon ma-lift na ang ECQ nga ginapatuman sa Gensan. Kini ang pahayag ni Gensan City Mayor Ronel Rivera.
Sumala sa mayor nga duna na syay diriktiba sa surveillance team nga nagabantay sa mga boarder sa Gensan nga pasudlon sa Gensan ang mga gusto nang mopauli pero kinahanglan nilang sundon ang tanang guidelines ug requirements .
Angayan nga nahuman na ug 14 days quarantine sa lugar kung asa sila nag gikan, ikaduha mao ang subling pag pa ilalom sa 14 ngadto na sa 21 ka adlaw sa quarantine sa usa ka pasilidad sa syudad o sa iyahang panimalay apan kinahanglan nga naka-isolate kini aron nga dili kini makatakod ugaling carrier kini sa virus.(Dave Silagan)
