Moabot sa kapin 170 ka tag-as nga punoan sa marijuana ug laing 145 nga mga linghod pa ang naibot sa mga sakop sa Public Safety Company sa kapolisan sa dakbayan sa Sugbu sa bukirang barangay sa Adlaon sa syudad kaganinang buntag.
Si Cebu City Police Office Office chief , Sr. Supt. Joel Doria nibutyag nga ang mga marijuana gitanom sa usa ka timberland sa maong barangay .
Ang CCPSC nga gipanguluhan ni Supt. Timar Alam aktibo sa pagpahigayon ug pagpatrolya sa mga bukirang barangay sa syudad sa Sugbu , ug nakighinabi usab kini sa mga residente aron moawhag kanila nga itaho sa kapolisan kung adunay mamatikdan nga nananom ug marijuana sa ilang mga lugar.
Matud ni Doria ang pagkadiskubri sa plantasyon sa marijuana resulta sa pagtabang ug taho sa komunidad sa ilang namatikdan nga ilegal nga kalihukan sa ilang barangay.
