General Santos City— Gipaklaro ni Police Senior Inspector Brent Salazar, Deputy Chief sa Regional Police Drug Enfrocement Unit (RPDEU) nga anaa sa narco-list ni Presidente Rodrigo Duterte ang duha sa ilahang mga target.
Kini matud pa silang Danilo Villaflor, 50 anyos ug Carlo Esto, 40 nga samang anaa sa level 2 high value target ug street level pusher. Samtang si Edwin Jumuad, 52 anyos ang anaa sa watch list sa RPDEU.
Sumala pa nga narekober gikan sa mga suspek ang mga armas nga ilahang gigamit sa pagsukol sa operatiba atol sa pagpangronda sa ilahang panimalay sa may Prk. 2, Poblacion, Alabel, Sarangani Province.
Dugang pamahayag ni PSI Salazar nga ubay-ubay nga armas ang narekober gikan sa panimalay ni Jumuad lakip na ang mga buhing bala.
Iyaha man usab ginaresperto ang mga yango-ngo sa mga kabanay nga namatyan sa maong operasyon ug katungod matud pa nila kini. Apan sila sa kapulisan, ilaha matud pang barugan nga misukol gyud ang mga target rason sila napatay sa maong operasyon.
