TACLOBAN CITY – Nalumos-patay an duha nga teachers ha Brgy. Cabatuan, Palapag, Northern Samar.
Nakit-an an duha nga patay nga lawas alas 11:00 han gab-i kagab-i, May 3, 2019 ha kadagatan han nasabi nga barangay.
Subay ha report han Police Regional Office 8, ginkilala an 2 nga patay nga lawas nga hira Artemio Mendoza Mejos, 27 anyos, usa nga teacher, residente ha nasabi nga lugar; ngan hi James Lagarto Dulay, 32 anyos, usa nga teacher ngan residente ha Laoang, Northern Samar.
Nagawas ha inisyal nga imbistigasyon han mga otoridad, nangangarigos an mga nasabi nga teachers bis pa man dagko an balud nga rason han ira pagkalumos.
Missing naman hira Reynalda Velez Adora, 30 anyos ngan hi Leonard Galero Adarayan, 32 anyos , pareho nga mga teachers ngan residente ha Laoang, Northern Samar.
Ha pagka-yana, nagpapadayon pa an search and rescue operations han mga otoridad.
