MGA ESTABLISAMENTO SA SYUDAD, GIBISITA SA BPLD ARON PAHINUMDUMAN SA MGA HEALTH PROTOCOLS
Gibisita sa buhatan sa Business Permits and Licensing Division kun BPLD ang mga establisamento sa syudad aron mapahinumduman sa pagsunod sa mga health protocols nga gi-mando sa syudad labina karon nga gataas ang kumpirmadong kaso sa Covid-19 sa syudad.
Gipadal-an og suwat ang mga establisamento asa nakalatid ang mga SP Ordinances sama sa SP Ordinance No. 6123-2020, ug SP Ordinance No. 6199-2020, nga maoy gitan-aw nga basihan sa hugtanong pagpatuman sa minimum public health standard and protocols.
Gipresenta sab sa BPLD ang mga SP Ordinances ug gipasabot kini sa ila.
Dako usab ang pasalamat sa LGU-Butuan sa mga establisamento nga hugtanong nisunod sa mando ug sa mga dugang inisyatibo usab nila nga gibuhat aron sa mas luwas nga buhatan alang sa ilang mga personahe ug kliyente.
Padayon ang monitoring nga buhaton sa buhatan.Abiso lamang nga padayong sundon ang minimum health protocol aron sa mas luwas nga pagpamalit. (Butuan City PIO)
