MGA TINDAHAN UG ILLEGAL NA ISTRAKTURA SA SURIGAO CITY BOULEVARD, TAGWAYA NA
Boluntaryo na tagguba nan pipila ka mga tag-ija sa tindahan ug illegal na nopahimutang nan istraktura an ila mga edipisyo sa Surigao City Boulevard. Ini human an tagpahigayon na clearing operations kahapon sa pagpanguna nan City Engineering kaiban an mga sakop sa PNP ug mga Traffic Enforcers.
Mismo an acting City Administrator na si Atty. Manuelito D. Delani ug si Engr. Gil Rufino Menor, an personal na mikadto sa lugar na kon diin taghimo an pagpanguba sa mga istraktura. Hinoon tagtagaan nan higayon an mga naapektuhan sa pagkuha sa ila mga butang o gamit, an mga sakyanan na naaktuhan na illegal na nag-parking an tag-isyuhan isab nan citation ticket.
Tag-dilian na isab an pipila ka establisemento na mag-stock sa kadayanan nan ila mga paninda kay ini makahatag obstruksiyon sa mga moagi. Tagtudlo ni Engr. Menor na tagtakda na mobalik pa sila sa City Boulevard para sa laing clearing operations labi na adton nagmagahi ug nagpabilin pa sa ila mga tindahan ug istraktura.
