Sirawai, ZDN- Patay ang lima ka mga sibilyan sa dihang misulay unta pag pagkang sa mga armadong lalaki nga nagsabwag ug kagubot sa maong brgy. Gibutyag sa hepe sa Public Information Office sa Region 9, PNP pinaagi ni Police Chief Insp. Helen Galvez, ang mga biktima mao sila si Absar Julkanain Gumba, Kabiran Saliuddin Ginsing, Saddam Baitulla Tahir, Jaayri Bairulla Lumihig ug Muslimin Adan, ug lain pang myembro sa paramilitary nga si Amsid Maugag Callun, ang napatay atol sa iyang pakig pinusilay sa mga armado.
Samtang samaran usab ang usa ka minor de edad nga si Jering Carbi.
Base sa gihimong imbistigasyon ug saysay na usab sa pipila ka mga residente nga naka saksi ang lima ka wala mailang armado, sakay kini sa pump boat/Bangka sa dihang miatake sa brgy. Piacan.
Apan nabantayan kini sa personahe sa CAFGU ang mga armado nga nagpadulong, tungod kay anaa usab ang ilang detachment sa maong brgy. Hinungdan nga natigayon ang maong engkwentro.
Wala pa matino kun unsa gayod ang tuyo sa maong mga armado, tungod kay sa dihang na apike sila pakig engkwentro, ilang gidagit ang kanhi sakop sa CAFGU nga si Rufo Roda ug Helen roda nga mao ang ilang gigamit nga taming sa ilang pag ikyas padulong sa kadagatan sa Sibuco, Zamboanga del norte.
Butyag pa ni Sirawai Mayor Gamar Janihim nga kasagaran sa mga biktima benepisyaryo sa Pantawid Pamilyang Pilipino (4P’s). gi kondena usab sa mayor ang grabe ka brutal nga pagpatay nga himoan sa mga armadong lalaki.
Ang mga sakop sa tinugyanan sa balaod ilang gihimo ang tanan para madakpan ug mahibalik nga luwas ang gidagit nga mag asawang Roda.|Mark Bacroya
