Gihingugsan sa kagamhanang probinsyal sa Surigao del Sur ang pagpasirado sa Alternative Learning Center for Agricultural and Livelihood Development (ALCADEV) ug Tribal Filipino Program of Surigao del Sur (TRIFPSS), pinaagi sa pagpasar ug resolusyon pagmugna ug Technical Working Group (TWG) atol sa gihimung 3rd Full Council Meeting sa Regional Task Force to End Local Communists Armed Conflict (RTF-ELCAC).
Si Agusan del Norte Gov. Dale Corvera maoy nagduso sa mosyon nga magmugna ug Technical Working Group ug dali usab nga giaprobahanni Cabinet Sec. Karlo Alexi Nograles. Si Gov. Corvera maoy bag-ong napili nga Chairman.
Ang laraw nga ipasirado ang ALCADEV ug TRIFPSS maoy nag-unang agenda sa 2nd Caraga RTF- ELCAC meeting sa Surigao city sa nakalabyang Agosto 27, 2019 human ang Department of Interior and Local Government (DILG) pinaagi sa Regional Peace and Order Council ang nihangyo ug tabang aron mapasirado ang nasangpit nga mga eskwelahan.
Sanglit padayon kining nag-operate isip pribadong eskwelahan bisan ug walay permiso gikan sa Department of Education (DEPED), diin maoy gitumbok ni Datu Rico Maca, IP Mandatory Representative sa San Miguel, Surigao del Sur nga kini maoy naghatud ug kagubot sa ilang komunidad.
Sa pag-facilitate sa pagsirado sa maong mga eskwelahan pinaagi sa RTF – ELCAC, ang Department of Justice – Regional Prosecutors’ Office maoy gitahasan sa pagpangita ug mga legal nga basehan aron gamiton sa pag-terminate pinaagi sa Batas Pambansa Bilang 232 kon The Education Act of 1982: An Act Providing for the Establishment and Maintenance of An Integrated System of Education ug ang DepEd Department Order Number 88 Series of 2010 (DO 88), kon Revised Manual of Regulations for Private Schools in Basic Education.
Gibutyag ni Sec. Nograles nga nakig-alayon na ang ilang buhatan ngadto sa Department of Education (DEPED) alang sa angayang buhaton aron kung masirado na ang ALCADEV ug TRIFPPSS kaya kining sal-on sa mga tulunghaan sa DEPED.
Gihimung basehgan sa opisyal mao ang malampusong pagsirado sa 55 ka mga Salugpungan Schools sa Region 11 nga gipaluyuhan usab sa mga tribal leaders ug elders, LGU’s, national government agencies ug mga katawhan sa komunidad (with reports archer capadeso/ivy falcone). [image: corvera.jpg]
