Mga VIPs nakataeana nga maga abot sa selebrasyon it Kalibo Ati-atihan

49

Kalibo, Aklan — Pila ka mga VIPs rong nakataeana nga maga abot sa selebrasyon it Kalibo Sto.Niño Ati-atihan Festival 2018.
Suno kay Mayor William Lachica nga magaabot si Buhay Representative Lito Atienza sa Enero 19 kung sa siin iamw rong sambilog sa mga dinapit nga bisita sa groundbreaking it Terminal Building para sa Easternside kung Aklan nga makit-an sa San Lorenzo Drive, Andagao, Kalibo Aklan.
Si Atienza man ro nagtao it 10 milyon nga pundo para sa nasambit nga proyekto.
Maga abot man si Kabayan Partylist Representative ag Presidential Spokesman Harry Roque, DENR Secretary Roy Cimato, Senator Win Gatchalian ag ro Political Adviser ni President Rodrigo Duterte nga si Francis Tolentino.
Samtang sa pihak nga parte, ginpaabot man ni Mayor Lachica nga kahapon hay nagpatigayon man eon it meeting sa Camp Pastor Martelino sa pagpanguna ni Police Senior Superintendent Lope Manlapas ro Provincial Director it Aklan para nga istoryahan rong angot sa security measures nga igapatigayon sa tyempo it Ati-atihan para mapabilin nga malinong ag matawhay rong selebrasyon.
Ag bangud kara may mga abot nga dugang nga mga pulis para nga mag-augment sa Kalibo PNP para sa pagmintinar it katawhay.

Facebook Comments