Gidasig sa Department of Education kon DEPED ang mga wala na nakapa-enroll nga magpa-enroll na 3 ka adlaw sa dili pa adlaw sa pagbukas sa klase sa tuig tingtungha 2018-2019.
Sa interview sa RMN Malaybalay ngadto kang Sunny Ray Amit, ang assistant schools division superintendent sa Malaybalay City Division gibutyag ninii nga padayon pa gihapon ang ilang pagpangdawat sa mga gustong mo-enroll karong panahona.
Matud ni Amit nga ila nang gilauman nga bisan ug mismong adlaw na sa klase, aduna pa gihapoy magpa-enroll.
Tungod niini karon pa lang daan, gipanawagan na sa DEPED ang mga planong mutungha nga muadto na sa mga tulunghaan tungod kay mahinungdanon kini alang kanila aron ilang ma-andam ang mga posibleng kakulangon unya sa mismong pagbukas sa klase.
