Davao City – Upat na ka mga drug pushers ang nadakpan sa duha ka police station sa Bunawan PNP ug Calinan PNP sukad gipabalik ang ‘Oplan Tokhang’ sa kapulisan.
Sa datos sa presinto sa kapulisan sa Calinan PNP duha ang nadakpan samtang sa Bunawan Pnp duha usab ang nadakpan apil na ang top 4 sa Calinan ug top 9 sa Davao City Police Office nga si Eulogio Manigo.
Sumala ni Police Chief Inspector Michael Uyanguren Station Commander sa Calinan PNP nga mas hugot ug padayon ang ilang operasyon nga gipatuman sa ilang buhatan.
Gidugang ni Uyanguren nga duna pay mga dakpunon sa ilang area of responsibility (A.O.R.) subay sa ilang monitoring aduna gihapoy mga nagapamaligya og iligal nga druga.
Samtang mas gipakusgan ug padayon ang pag-monitor sa Bunawan PNP sa ilang A.O.R. sa pagpanguna ni Police Chief inspector Estrello Ramiso.
Gipaabot sa opisyal ngadto sa katawhan sa Bunawan nga kanunay makig-alayon ang kapolisan sama sa paghatod ug dugan impormasyon kun ugaling adunay mga nagtago-tago nga nagapayuhot og iligal nga droga.
RadyoMaN Don Pulayao
