*General Santos City================== Gideploy na sa Philippine Coastguard SarGen ang tanan nilang mga water assets nga magpatrolya 24/7 sa kadagatan sa Sarangani Bay aron sa pagmonitor sa posiblreng pagsulod sa teroristang grupo.*
*Sumala kang Lt. Rolando Lorenzana, ang labaw sa maong buhatan nga shifting ang pagahimuon sa iyahang sakop aron nga masigurong walay malakusot.*
*Dugang pa niini nga nakig-alayon na sila sa tanang mga tag-iya sa mga resort sa ilahang area of responsibility aron nga makapaabot ug impormasyon ngadto kanila higayon nga adunay makit-ang mga kadudahang mga tawo sa ilahang kadagatan.*
*Apil man usab sa ilahang ginahatagan ug pagtagad mao ang mga pantalan ug fishport sa dakbayan sa GenSan ug sarangani nga ilawom sa ilahang responsibilidad.*
*Ang maong aksyon ang alayon gihapon sa nagpadayong tensyon sa syudad sa marawi kung asa sa kadagatan matud pa miagi ang mga terorista nga sakop sa grupong Maute hinungdan nga sila nakasulod ug padayong nanghasi sa maong lugar.*
*Padayon gihapon ang panawagan sa maong ahensya nga dili magpakabuta-bungol sa uns amang makit-an o madunggan nga dili ordinary ug magtinabangay aron maangkon ang kalinaw sa dakbayan. (LORE MAE V. ROMUALDO)*
