Davao City- Nag-isig tinudluay na karon ang local government, Davao City Council, DPWH ug MGB kung kinsa kanila ang tulisukon ug mahayon sa natigayon nga landslide sa Shrine Hills sa miagi nga semana.
Diriyot nagkasamok ang regular session sa konseho ning siyudad kagahapon adlawa tungod wala’y ni usa kanila buot muako sa responsibilidad sa landslide sa Shrine Hills.
Pero Alang kang MGB11 Mines Safety Environment and Social Development Division 0fficer-in-Charge Engineer Noel Angeles, ang angay pasanginlan sa landslide mao ang mga developers.
Una nang gipalanog ni Angeles nga nagsumite na sila og mga rekomendasyon sa lokal nga kagamhanan human nadeklara ang Shrine Hills nga landslide prone area niadtong 2015.
Busa gihan-ok sa opisyal ang tanang pagbasol ngadto sa mga negosyante tungod sa pagtukod og mga gambalay nga walay building permit ug kakuwang sa soil studies.
Gidepensahan sa MGB 11 ang lokal nga kagamhanan gikan sa batikos tungod sa kakuwang og ngipon sa implementasyon sa mga ordinansa nga hugot nagdili sa dugang kalamboan sa Shrine Hills.
Gisulti pa ni Angeles nga gisunod naman sa lokal nga kagamhanan ang ilang mga rekmendasyon apan ang problema mao ang mga developer kay wala nila sunda ang gikinahanglan nga mga rekisitos ayha sila nagsugod sa mga development sa shrine hills.
Gi-awhag sa publiko sa konseho,City Government,Dpwd ug MGB nga dili na maghunaway kay sa pagkatinuod pareho sila maayo pangpakungon tungod sa pagpasagad sa ilang responsibilidad.
Wala mawala ang pagduda sa publiko nga basin adunay mga opisyal nakasapi gikan sa mga investors nga nagbubo og kalamboan sa shrine hills bisan og hugot kini gidili sa atong mga ordinansa.
RadyoMan Joel Viray
