Nagpatigayon sang imbestigasyon ang Mines and Geosciences Bureau ukon MGB 12 sa illegal mining activity saBarangay Obial, Kalamansig, Sultan Kudarat.
Sa lugar sang illegal Mineral Processing Plant nakit-an ang abandonado nga mining pits kag mga kagamitan.
Ang illegal mining activity ang ginsalakay sang CENRO Kalamansig upod ang Municipal Police Officers sa diin nakuha ang mga mineral products, tools kag iban pa nga kagamitan nga yara sa CENRO Kalamansig para sa safe keeping.
May-angot sini, base sa MGB MC No. 2018-01 ukon Guidelines in the Conduct of Apprehension, Seizure, Confiscation and Disposition of Illegally Sourced Minerals/ Mineral Products and By-Products, Tools, Conveyances and Equipment Used, ang ahensya ang nagtukod sang apprehension team parasa legal confiscation sa mga gingamit nga mining tools and equipment.
Samtang, ginpahayag sang mga residente nga umpisa sang ginsalakay ang illegal mining activity wala na sang operasyon sa lugar.
Sa katuyuan nga matapna ang illegal mining activities, gin-isplikar sang MGB 12 sa komunidad ang proseso sa pagkuha sang permit/contract para sa small scale mining activities.
Liwat man nga ginpahanumdom sang MGB 12 nga ang illegal activity sa Barangay Obial ang nagabayolar sa Republic Act (RA) 7942 ukon Philippine Mining Act of 1995 and its Implementing Rules and Regulations (IRR), subong man RA 7076 ukon Peoples Small-Scale Mining Act of 1991.
