MGB misusi sa mga lugar sa Carag nga dilikado sa flashflood ug storm surge

Gipahigayon sa Mines and Geosciences Bureau (MGB) – 13 ang Coastal Geohazard Assessment ilalom sa National Geohazard Assessment and Mapping Program, kini subay sa Press statement nga bag-uhay lang gipagawas.
Gipasabot nga ang mamahimong outputs sa asessment sa mga shoreline shift maps ang maghatag ug insaktong impormasyon ug igung kahibalo ngadtu na sa publiko ilabina sa mga coastal ug shorelines areas nga maoy apektado sa pagbanlas sa yuta .
Kining maong mga lugar ang giisip usab nga dilikado sa storm surge, ug ingon man sa Tsunami.
Sa unang quarter sa tuig unang gihimo ang assessment sa Barobo, Lianga, Hinatuan ug Bislig City sa Surigao del Sur.
Samtang sa ikaduhang quarter ang munisipyo sa Del Carmen in Surigao del Norte ug karun nga simana gikatakdang himuon ang ikatulong hugna sa assessment sa munisipyo sa Socorro, Surigao del Norte .
Angay masayran nga ang Pilipinas ang usa sa mga nasud sa tibuok kalibutan nga dunay pinakataas kon longest coastlines nga mi-abot sa 36,289 kilometers.
Diin 46 percent sa total population sa nasud ang nagpuyo sa mga coastal areas, nga sagad apektado kon mabutang sa peligro ang pamuyo ingon man ang ilang mga panginabuhian (with reports from Ivy Falcone)

SUMMARY: The Mines and Geo Sciencs Bureau (MGB) is conducting a Geo Hazard Assessment in the whole Caraga in areas that are prone to landslide, storm surge and tsunami.

Facebook Comments