MGB-XI: Small-scale mining activities temporaryong gipaundang

Davao City – Gimandoan sa Mines and Geosciences Bureau (MGB-XI), ang small-scale miners nga isuspende usa ang ilang trabaho karon nga delikado ang mga landslide-prone areas sa rehiyon tungod sa epekto sa Low-Pressure Area (LPA).

Sa interbyu sa DXDC RMN Davao kang Capter John Tubo, Supervising Geologist sa MGB-XI, ilang gi-alerto ang mga areas nga delikado sa pagdahili sa yuta partikular na ang Purok Ecoland, Sitio Diat, Barangay Napnapan, Pantukan, Davao de Oro kung asa nagbaton kini og landslide bag-ohay lamang.

Aduna usay mga minahan sa Monkayo, Davao de Oro nga girekomendang magbaton og pre-emptive evacuation aron malikayan ang aksidente.

“Ang Diwalwal, naa pud ang Barangay Mt. Diwata because these are mining areas man gud pud. So gina-advise pud namo daan kay mga hazard-prone areas man gud ni sila,” segun ni Tubo.

Sa pagkakaron, gimandoan ang publiko nga hugot nga makigkoordinar sa ilang Local Disaster Risk Reduction and Management Office (LDRRMO) aron gilayong maaksyonan ang mga insidente o emerhensiya.

RadyoMaN Kirby Manzon