Padayon ang imbestigasyon sang Lake Sebu Municipal Health Office kon sa diin gid nakuha sang duha ka mga nagpositibo sa COVID-19 ang balatian nga nadiskubrihan nga positibo ang mga ini sang gin-admitir sa ospital.
Ginkumpirmar ni Lake Sebu Municipal Health Officer Dr. Jocelyn Bayquin nga may-yara na nga daan sang iban nga balatian ang duha ka mga nagpositibo sa banwa.
May-angot sini, apela niya sa publiko nga likawan anay ang pagpadulong sa ila nga lugar.
Samtang sa may essential travel ang kinahanglan nga may ipakita nga health certificate kag may South Cotabato COVID-19 Contact Tracing o SC-CCTS Card kag travel authority halin sa police station
Ginabawalan man suno pa ang mga bolantero sang isda halin sa iban nga banwa ukon lugar.
Strikto man suno pa nga ginapatuman sa mga establisemento ang mga health protocol kag sa katawhan mangin alerto agud nga mapunggan ang paglapta sang COVID-19 sa banwa.
