General Santos City—Gihuwat nalang sa Glan Municipal Police Station ang desisyon sa pamilya sa biktimang sikad driver nga si Otay Tan, 26 anyos nga taga Baranagy Lun Masla, Malapatan Sarangani province kung ila bang pasakaan ug kaso ang suspek nga si Juanito Mamolang Merosa nga taga Barangay Bagakay, Alabel, Sarangani Province.
Si Merosa maoy nakabangga sa sikad sa biktima nga hinungdan sa iyang kamatayon ug pagkaangol sa asawa, lola ug usa pa ka paryenti niini.
Sumala ni Po1 Richie Dela Cruz, traffic investigator sa Glan PNP nga una nang gibutyag sa pamilya sa biktima nga andam sila makig-areglo tali sa suspek bugti sa pagtubag sa nahisgutan sa pagpahiluna sa patayng lawas sa biktima.
Higayon nga musugot ang suspek, dili na nila kini pasakaan ug kaso. Apan higayon nga dili sila magkasinabot iya gyud kining pasakaan ug kasong reckless Imprudence Resulting to Homicide.
