Davao City – Paspas ang nahimong pag-responde sa gobyerno sa Pilipinas sa mga naapektohan karon nga mga trabahanteng Pilipino didto sa Middle East nga nakasinati sa kagubot.
Sumala ni Davao City Tourism Officer Generose Tecson, usa sa leksyon nga nakat-onan sa krisis sa Tungang Sidlakan mao nga gikinahanglang dokumentado ang tanang mga Pinoy nga manarbaho sa laing kanasuran ilabi na sa Middle East aron kung makasinati ug problema, makaduol gilayon sila ngadto sa mga ahensya sama sa mga embahada aron matabangan sama sa pagahimoong repatriation.
Samtang giklaro usab ni Tecson nga mas aktibo karon kaysa kaniadto ang nahimong aksyon sa gobyerno sa mga trabahanteng naapektohan sa kasamok karon sa maong parte sa kalibutan.
Pabor usab ang City Tourism Officer sa pamugnaong pinasahi nga departamento alang sa pagprotehir sa interes ug concerns sa mga OFWs sarang makatabang kanila.
RadyoMan Bernard Pantallon
