Davao City – Lauman sa tanan nga dili mosangpot sa ikatulong gubat sa kalibutan ang nasinatian karong tensyon tali sa America kontra sa Iran.
Sumala ni Atty.Leonard Cagatin, usaka iladong trial lawyer dinhi sa dakbayan, malagmit nga sama lamang gihapon kaniadto nga US-Iraq war diin milungtad lamang kini sa duha ngadto sa tulo ka tuig lamang ug ang midaug ang Estados Unidos gihapon.
Matud ni Cagatin, kung itandi sa ubang kanasuran, ang Iran gikonsidera nga supporter sa mga teroristang grupo sama sa Hezbollah ug ikaduha, wala kiniy suporta gikan sa ubang Middle Eastern countries sama sa Kingdom of Saudi Arabia, Kuwait ug United Arab Emirates (UAE).
Matud sa abogado, mamahimong ala-ot lamang ang Iranian state kung iyang padugayon ang buruka kontra sa America ug nga mas maayo pang undangon na lamang mientras may panahon pa.
Samtang angayan lamang tumanon sa mga OFWs ang gimandong mandatory repatriation or evacuation tungod ug alang sa ilang kaayohan, segun ni Cagatin.
Gipasabot usab ni Cagatin nga ang posisyon ni Pres. Rodrigo Duterte nga mosuporta ang Pilipinas sa Amerika usa lamang kini ka pagbalos sa utang kabubut-on tungod kay adunay history ang US ug Pilipinas nga nag-uban sa nakalabay gubat sa kalibutan.
Giklaro usab ni Cagatin nga dili maayong magpaka-neutral ang nasud tungod kay mahulog nga mipabor kita sa mga nasod nga nagsuporta sa kalihukan sa teroristang grupo usa niini ang Iran.
RadyoMan Bernard Pantallon
