Maga residente del Salaan ta considera como milagro el aparicion del maga rastro de pies ya sale marcao na camino de cemento y el loorada del Santo adentro del Capilia.
Primero, el un solterito nombrao como si Arjay Andico, 13 años de edad ta compra na untienda alas 7 del noche amediante el taliti cuando ya puede le columbra ta sumi el camino de cemento y dolomismo como tiene quien ta camina pa encuentro conele pero nohay man le puede mira persona.
Asegun con el soterito cuando serca ya conele el ta sumi cemento ya desbija conele.
Ya abla el bata con el duenio del tienda y hasta yan calayat el storya na todol lugar.
Total de 14 maga rastro del pies ya deha na camino y tiene rastro tiene el hondor de medja pulgada.
Dayun el maga vivientes ya sindi candela conel creancia que un milagro el ya sosede.
Enantes tambien aga ya descubri el cuantos maga devote que ta lagrima el Santo Imaculada na capilya del mismo lugar.
Asegun con cuantos residents ta cre sila el rastro del pies amo del Santo que asegun tiene storya ta camina el Santo y tiene ya quien ya mira.
El maga rastro de pies ya puede observa elmaga hente que ta perde unpoco unpoco enantes aga cuando ta subi ya el sol.
Asegun conel Capitan del Salaan si Silverio Francisco un dia antede tene maga rastro de pies na camino ya man cuento le con cuantos otro official del lugar el diila plano para lebanta 14 station to the cross na diila lugar.
