Milan: OFW status kritikal

25

Davao City – Dili masayon ang sitwasyon karon nga nasugata adlaw-adlaw sa mga Overseas Filipino Workers (OFWs) ilabi na kadtong naapektohan sa kasamok karon sa Middle East tungod kay nakataya usab dinhi ang ilang panginabuhian alang sa ilang tagsa-tagsa ka pamilya sa Pilipinas.

Sumala ni Arturo Milan, Davao City Chamber of Commerce and Industry Incorporated (DCCCII) officer, mandato or kargo sa gobyerno sa Pilipinas nga protektahan ang iyang katawhan ilabi na kadtong nabutang karon sa tumang kadelikado or kakuyaw sama sa mga trabahanteng Pinoy nga apektado sa kagubot sa Tungang Sidlakan.


Matud ni Milan, walay mahimo ang mga OFWs kung mograbe ang kasamok sanglit responsibilidad sa gobyerno ang pagprotekta kanila pinaagi sa pagpapauli denhe sa nasod apan kadtong dili mosunod ug unsa man ugaling ang ilang dangatan, dili na nila mabasol pa ang estado.

RadyoMan Bernard Pantallon

Facebook Comments