Duha ang patay samtang duha sab ang samdan nga mga sakop sa Moro Islamic Liberation Front(MILF) dihang ilang gikabagat ang grupo sa Bangsamoro Islamic Freedom Fighters(BIFF) sa Barangay Andavit ug Barangay Tee Datu Salibo Maguindanao.
Wala pa ginganlan ang mga nakabsan sa kinabuhi apan ang mga samaron giila nga sila Surani Abelusa, 50 anyos, residente sa Brgy. Damatulan, Midsayap, North Cotabato ug Mokamad Kadil, 40 anyos, residente sa Brgy Simsiman, Pigcawayan, North Cotabato.
Sumala ni Chief Inspector Tara Leah Cuyco, tigpamaba sa Philippine National Police Autonomous Region in Muslim Mindanao, nga ang mga namatay ug nasamdan, pulos mga sakop sa 105 Brigade sa MILF nga gipamunuan ni Kumander Ustadz Guma.
Wala pay report kung may mga casualties ang BIFF sa nahisgutang engkwentro.
