Milihok nga fault line sa Kadingilan, bag-ong diskubre; mga aftershocks lauman pa

1753

Dili pa eksaktong masuta sa Philippine Institute of Volcanology and Seismology kon Phivolcs ang fault line nga milihok nga nagmugna sa kusog nga linog niadtong Lunes sa gabie sa lungsod sa Kadingilan, Bukidnon.

Sa interview sa RMN Malaybalay ngadto kang Philvolcs 10 Regional Director Marcial Labininay gibutyag niini nga walay active fault line ang Kadingilan hinoon usa kini ka bag-ong diskubreng local fault. Dili pa matud pa kini mabuhatan ug pangalan.


Una nang gibutyag ni Phivolcs Science Research Assistant Cris Vidad, nga gi-imbestigahan pa nila ang tinubdan sa magnitude 5.9 nga linog nga nasinatian sa halapad nga lugar sa Mindanao niadtong nakalabay nga gabie.

Nasayran nga ang Epicenter sa mao nga linog anaa sa gilay-ong 8 kilometro sa kasagpang bahin sa Kadilingan.

Adunay gilawmon kini nga a 5 kilometro lang ug tectonic ang tinubdan.

Nasayran nga nasinatian ang intensity 6 sa Kadingilan, Kalilangan, Don Carlos, Maramag, Kitaotao ug San Fernando, Bukidnon; Intensity 5 – Damulog, Talakag and Valencia City, Bukidnon; Intensity 4 – Impasugong and Malaybalay, Bukidnon;

Gibutyag usab ni Labininay nga laumang mulungtad pa hangtod sa mga musunod nga mga adlaw ang mga aftershocks sa mao nga lungsod.

Facebook Comments

From Advertisers