Davao City – Magpadayon ang ilusad nga opensiba sa militar batok sa CPP-NPA human gideklara ni Pres. Rodrigo Duterte nga usa na ka teroristang grupo sila.
Sumala ni 10th Infantry Division Commander Maj. Gen. Noel Clement, samtang gihulat nila ang mga bag-ong guidelines sa ‘rules of engagement’ ipadayon nila ang opensiba nga ginahimo kaniadto nga wala pa sila gideklarang teroristang grupo.
Giklaro usab sa commander sa 10th ID Philippine army nga dili nila sibugan ang maong grupo sa higayong mograbe na ang sitwasyon ilabi na kung gobyerno na ang ilang atakihon.
Andam arestohon sa mga sundalo ang giingong mga rebel leaders bisan pa man og napailawom sila sa JASIG kun Joint Agreement on Safety and Immunity Guarantees.
Matud ni Clement daghan ang ilang ginsakpan sa field nga modakop kanila.
Giklaro usab ni Clement kinsa kadtong mapamatud-an nga nagasuporta sa kalihukan sa NPA awtomatiko silang konsiderahon nga miembro sa maong pundok.
Samtang gitataw usab sa opisyal sa 10th I nga dili usab sila magpataka sa pagpanakop kung wala gipaagi sa balaud. Maningkamot usab sila nga masinati sa katawhang Pilipino ang malinawong pagselebrar sa Pasko ug bag-ong tuig.
RayoMaN Bernard Pantallon
