Dili magpanuko ang kasundalohan ubos sa 402nd Brigade Phil. Army sa pagrespondi bisan asang dapit sa ilang area of responsibility kung adunay masigpatan nga presensya sa mga armadong grupo bisan pa’g mga goons sa pulitiko.
Kini ang gipasalig ni Capt. Francisco Garillo, CMO Officer sa 402nd Brigade Phil. Army sa interview sa RMN DXBC Butuan, subay sa kalampusan sa military didto sa Pagadian City, Zamboanga del Sur nga nakaharang ug grupo sa mga armadong kalalakihan ug nakuhaan ug mga high-powered nga mga armas.
Kabahin sa tahu nga adunay presensya sa mga armadong grupo nga masigpatan sa mga lungsod sa Kitcharao ug Jabonga sa Agusan del Norte ilabina sa panahon sa kagabhion, ang beripikahon kini sa kasundaluhan.
Misaad si Capt. Garillo nga dili nila tugutan nga adunay mga armadong grupo nga magsabwag ug kagubot karong panahon sa eleksyon. [image: army deployment.png]
