Davao City – Gipakatag na ang libuan ka mga kasundaluhan sa Eastern Mindanao Command nga gipangtahasang magpatuman og hugot nga seguridad uban ang kapulisan alang sa Midterm Local ug National Elections karong May 13, 2019.
Sa interbyu sa RMN Davao kang LTC Ezra Balagtey, chief sa Eastern Mindanao Command Public Information Office nga ila ng gikasa ang security operations aron masigurong luwas ang piniliay ug walay mga kasamok nga mahitabo.
Segun ni Balagtey usa sa ilahang prayoridad ang luwas nga pagbyahe ug paghatod sa mga election paraphernalias sa nagkadaiyang polling centers.
Mando ni Lt. General Felimon T. Santos Jr. Commander sa Eastern Mindanao Command ngadto sa Regional, Provincial, Municipal Rapid Deployable Force ug Quick Reaction Teams nga suportaan ang PNP partikular na sa mga election areas of concerns.
Nakaandam ang mga floating and flying assets sa AFP nga i-deploy kung gikinahanglan subay sa mando sa COMELEC.
Giawhag ni Lt.Gen Santos ang publiko nga mubutar on time tungod kay nakaandam ang mga awtoridad nga mubantay sa ilahang mga safety diha sa tagsa-tagsa nila ka mga lugar.
Samtang nagpahigayon ug Send-off Ceremony sa Police Regional Office XI ug Davao City Police Office headquarters sa libuan ka mga personahe gikan sa mga nagkadaiyang law enforcement units.
RadyoMaN Aimee Guinita
