Militar ginpanginwala nga sila ang sa likod sang death threats sa mga aktibista

BACOLOD CITY- Ginpanginwala sang military nga sila ang sa likod sang death threats sa mga aktibista sa isla sang Negros.

Sa interview sang DYHB kay Colonel Michael Samson, deputy commander sang 303rd Infantry Brigade(IB), Philippine Army, ginsiling sini nga indi ang military ang sa likod sang pamahog sa kabuhi sang mga aktibista kag ginkakibot sini ang listahan nga tuman ka accurate.

Ginsiling ni Samson nga sila sa military, indi makahimo sang accurate nga listahan sang ngalan sang mga aktibista.


Nahibaluan nga nagaguwa sa ginasiling listahan sanday Iver of Bacolod, (ginapatihan nga si Iver Larit sang Kadamay Negros); Butch of Bacolod, (ginapatihan nga si John “Butch” Lozande, Secretary General sang National Federation of Sugar Workers); Erning of Bacolod, (believed to be Ereneo Longinos, spokesperson sang Bayan Negros); Clarissa of Bacolod (believed to be Clarizza Singson, Secretary General sang Karapatan Negros Island); Alyas Tatay “Ogie” kag iya asawa, ; Berting of Bacolod; Christian of Bacolod, (believed to be Christian Tuayon sang National Federation of Sugar Workers kag former Sec. Gen. sang Bayan Negros); Epi of Negros Occidental, (ginapatihan nga si Felipe Gelle sang September 21 Movement); Darel of Kabankalan (ginapatihan Dharryl Albanez, Sec. General sang September 21 Movement); kag Roque of Bacolod, (ginapatihan Rolando Rillo sang (NFSW).

Apang suno kay Samson, napamatud-an naman nila base man sa mga rebelasyon sang mga anay rebelde nga nagsurrender nga modus operandi sang mga grupo nga unahan na nga daan ang state forces agod sa ulihi kon may matabo sa ila, may basulon na.

Apang ginapaabot na ni Samson nga ang iya pahayag, tawgon lamang sang mga aktibista nga propaganda.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments