Foreman patay human gipusil Brgy. Concepcion, Koronadal City

Koronadal City—Dead on arrival sa ospital ang usa ka lalaki, human nga gipusil sa riding in tandem criminal sa Brgy. Concepcion, Koronadal City, pasado alas 3:00 kagahapon sa hapon Marso 9, 2021.
Giila ang biktimanga si Andi Talib – 37-anyos, residente sa Brgy. Koronadal Proper, Polomolok, South Cotabato.
Matud ni P/Lt. Reynaldo Sotelo ang biktima ang foreman sa ginatukod nga district hospital sa DOH-12 sa Brgy. Concepcion.
Base sa ilang imbestigasyongipusil ang biktima sa mga suspek sulod mismo sa ilang bunkhouse duol sa barangay hall.
Nakaangkon usab ang biktima sa tulo ka igo sa lawas ug usa sa ulo nga nahimong hinungdan sa iyang hinanaling kamatayon.
Gikumpirma ni Sotelo nga narekober sa crime scene ang upat ka basyo sa kalibre 45 nga pistol.
Gilayon usab nga misibat ang mga suspek nga nagsul-ob ug facemask nga sakay sa Suzuki raider motorsiklo human nga mahimo ang krimen.
Sa karon nagpadayon ang imbestigasyon sa Koronadal CPS sa motibo ug responsable sa maong pagpamusil.
#ccto

Facebook Comments