Pa-imbestigahan sa Armed Forces of the Philippines ang pagdala sa kapin 60 ka mga batang estudyanteng taga-Cagayan de Oro City paingon ngadto sa Butig, Lanao del Sur aron ipa-rehistro matud pa sa Commission on Elections, niadtong Biyernes.
Kini tungod kay, matud pa ni Brigadier General Romeo Brawner, commander sa 103rd Infantry Brigade, Philippine Army, maka-alarma ang maong report ilabina kay gipahugtan karon sa gobyerno ang programa batok sa terorismo ilabina ngadto sa mga kabataan nga maoy target sa recruitment.
Sa usa ka building matud pa gidala ang mga bata ug gipa -fill up og form sa COMELEC gamit ang usa ka fictitious name baylo sa tag 300 pesos.
Miingon si LtCol. Edgar Allan Villanueva, commander sa 49th Infantry Battalion nga naka-base sa Butig, nagtapok ang mga kabataang taga- Butig niadtong Biyernes tuingod kay adunay gihimong youth summit alang sa Mindanao Week of Peace celebration apan walay nakasagol nga dili resdiente sa dapit.
Nagtapok usab niadtong Biyernes ang mga benepisyaryo sa 4Ps atungod sa usa ka kalihukan alang kanila apan walay na-monitor nga grupo sa mga kabataan nga nakasulod sa Butig busa possible, matud pa, nga giingnan lang sila nga Butig ang maong lugar bisan nga lahing lugar ang gidad-an kanila.
