*General Santos City— Gipaniguro ni Major General Cirilito Sobejana, Commanding Officer sa 6th infantry division nga magpadayon ang ilahang operasyon batok sa teroristang Bangsamoro Islamic Freedom Fighters kon BIFF.*
*Apan gibutyag niini nga ilahang ginasiguro nga luyo pa man sa operasyon batok BIFF, pabilin nga protektado ang Mga residente sa ilahang area of responsibility.*
*Gawas matud pa sa naunang report nga dugay ng namatay si Salahuddin Hassan nga sinaligan ni Abo Toraye sa Daesh group, ilaha karong ginasuta ang ilhanan sa mga miyembro sa BIFF nga apil nga namatay sa tulo kaadlaw nga focus military operation.*
*Dugang pamahayag ni MGen. Sobejana nga dili nila makonsiderang kampo sa teroristang BIFF ang gipahigayunan ug operasyon apan usa matud pa kini sa ilahang temporaryong taguanan.*
*Saysay niya nga gipahigayon ang operasyon gumikan na usab sa reklamo sa mga residente sa lugar tungod sa presensya sa armadong grupo.*
*Gi-gamit matud pa sa militar ang tanan nilang assets alang sa maong operasyon apan gipaniguro nga walay sibilyan nga maangin o magamit sa teroristang grupo.*
*Sa karon matud pa padayon gihapon ang clearing operation sa SPMS box apan ilaha ng ginatugutan nga makabalik ang mga residente nga nauna ng nanghikling nga gusto ng makauli sa ilang panimalay.*
*Apan uban matud pa ang ilahang ginahangyo nga magpabilin usa sa evacuation center hilabina ang mga nagpuyo sa mga lugar nga labing naapektuan sa operasyon.*
