General Santos City–Gibutyag karon ni Lieutenant General Cirilito Subijana ang labaw sa Western Mindanao Command sa Philippine Army nga ang grupong Al Erhab nga kanhing gitawag nga Alkubar Group nga gipamunuan ni Salahudin Hassan ang nagpaluyo sa pagpamomba atubangan sa palengke sa Isulan, Sultan Kudarat niadtong milabay nga Sabado.
Sumala pa sa opisyal nga ang nasangpit nga grupo ang ilawom sa grupo sa Dawla Islamia Turaife Group nga una nang gitudlong responsible sa unang duha ka mga pag pamomba sa maong munisipyo niadtong makalabayng tuig.
Migamit ug motrsiklo ang mga suspect aron nga butangan ug bomba kung asa nag-una matud pa nga unod niini mao ang black powder ug posibling dala na daan sa motorsiklo sa dihang gipark kini sa maong lugar.
Gikumperma man usab ni Lieutenant General Subijana nga ang nag-unang motibo sa nahisgutang pagbusikad mao ang extortion kung asa nangayo matud pa sa sila ug kwarta kang Mayor Marites Pallasigue.
Sumala pa niini nga nakadawat ug letter ang Isulan LGU nga gi-address sa ilahang mayor nga naga pangayo ug 250 mil ka pesos ug kung dili kini mahatag, magpabusikad sila ug bomba sa mga pampublikong lugar sa Isulan.
Dugang pa niini nga gipahugtan man usab gilayun sa AFP ang ilahang gipatuman nga siguridad human sa maong impormasyon apan ang kalaban matud pa ang nakahimo ug pamaagi aron nga makapasulod ug eksplosibo sa maong lugar. (Dave Silagan)
