Sa interbyu sa RMN Davao kang Captain Mark Anthony Tito, 10th ID spokesperson, samtang nakatutok sila sa imbestigasyon sa kapulisan muhimo usab sila’g parallel investigation sa insidente.
Gibutyag ni Tito, mutanyag og pinansyal nga tabang ang AFP sa nailong pamilya niini.
Sa CCTV footage, nakatalikod ang biktima dihang gipusil kini sa makadaghang higayon sa wala pa mailang gunman samtang nagpalit og tambal sa Farmacia Dayne sa Purok 4, Barangay Bankerohan Sur, Montevista, Davao de Oro pasado alas-8:00 sa gabie niadtong Enero 21, 2023.
Napagan ug samdan usab ang pharmacy clerk nga giilang si Carla Mae Tupas nga daling gidala sa ospital.
Paspas nga nisibat ang suspek sakay sa usa ka color blue nga Motorstar nga motorsiklo nga wala’y plate number.
Samtang sa interbyu sa RMN Davao kang Police Capt. Alvin Atienza, Acting Chief of Police sa Montevista Municipal Police Station, pagpanimalos ang gilantaw nga motibo sa krimen ug aduna silay person of interest nga nadakpan ug napriso human madakpan sa unit sa gipatay nga sundalo.
RadyoMaN Aimee Guinita
