Walay namatay o kaha nasamdan sa panig sa puwersa sa gobyerno human mahitabo ang engkuwentro tali sa 10th Infantry Battalion, Philippine Army ug sa gitouhang mga sakop sa New People’s Army kagahapon sa Barangay Sinampongan, Aloran, Misamis Occidental.
Kini ang gibutyag ni 1Lt. Paolo Dela Paz ang Civil Military Operations Officer sa 10th Infantry Battalion, Philippine Army.
Matud pa sa opisyal nga nahinabi sa RMN DXIC, nga mahimo nang makabalik ang mga residente ngadto sa ilang pinuy-anan human sila namakwit kagahapon tungod sa engkuwentro sa militar ug sa gituouhang mga sakop sa New People’s Army.
Naghimo karon ug clearing operation ang military sa dapit kung asa nahitabo ang engkuwentro.
Kahinumduman nga naghimo ug military operations ang kasundalohan sa 10th Infantry Battalion gumikan sa mga taho nga dunay mga presensya sa NPA nga gapangikil ug naghimo ug force recruitment sa Aloran Misamis Occidental dihang nahitabo ang maong insidente.
