Nagpaulan sang mga leaflets ang tropa sang 37th Infantry “Conqueror” Battalion sa Communist Terrorist Group – affected communities sa mga nabukid nga barangay sang Kalamansig kag Palimbang, Sultan Kudarat.
Nakasulat sa leaflets ang mga importante nga impormasyon angot sa mga programa sang gobyerno nga pwede maavail sang miyembro sang NPA kag sang ila nga mga supporters nga magbalik sa sabak sang gobyerno.
Ginahangkat man ang mga CTG members nga magpanaug agud makaupod ang mga pamilya subong nga Christmas season.
Samtang ang paghulog sang leaflet matapos ang ginpatigayon nga major operation sang 6th ID sa mga kuta sang NPA nga yara sa nabukid nga lugar sang tri-boundary sang Palimbang, Kalamansig kag Senator Ninoy Aquino, Sultan Kudarat.
Nahibaluan nga sa nasambit nga operasyon nadiskubrihan kag naguba ang nagapanguna nga encampment sang Far South Mindanao Region sang CTG kag madamo sang napatay nga miyembro sang rebelde nga grupo.
Nagpanawagan naman si 6ID kag JTF Central commander MGen Juvymax Uy sa mga nabilin nga miyembro sang rebelde nga magsurender na kag i-avail ang mga programa sang gobyerno para sa mga rebel-returnee.
credit 6ID
