General Santos City—gipahugtan pa sa militar ang ilang alerto aron nga mapugngan ang posibilidad nga paghimog kasamok sa grupong New People’s Army (NPA) alayon sa nagsingabot nilang anebersaryo karong Bulana.
Sumala ni Capt. Bugador, Tigpamaba sa 73rd Infantry Battalion nga dili nila tugtang makapanghasi sa ilang AOR ang mga miyembro sa NPA sanglit ila pang gipahugtan ang pag monitor sa lihok sa maong grupo diha sa kabukiran.
Dili ikalilong matud pa nga matag anibersaryo sa maong grupo sila nagahimog pagpang-harass ug pagpang extort.
Panawagan ni Capt. Bugador ngadto sa mga katawhan nga nagpuyo diha sa kabukiran nga isumbong sa militar higayon nga adunay sightings sa maong grupo sa ilang lugar.
Apan gibutyag usab ni Capt. Bugador nga sila sa militar andam gihapon mudawat ug mga miyembro sa NPA nga buot mubalik sa sabakan sa gobyerno ug mudisisyon nga byaan ang kabukiran.
