General Santos City— Mas gipakusgan pa karon sa militar ang ilahang pagbantay sa siguridad ilabina nga nagsingabot ang anibersaryo sa rebeldeng New People’s Army kon NPA.
Sumala kang Major General Cirilito Subijana, commanding officer sa 6th Infantry Division Phil. Army nga kanunay ang ilahang ginahimo nga pagmonitor sa ilahang area of responsibility.
Tumong niini aron nga mahatagan ug proteksyon ang mga resedente hilabina sa mga lagyong dapit nga sagad biktima sa pagpangrecruit ug pagpangatake sa rebeldeng grupo.
Gawas sa presensya sa NPA, padayon usab nilang ginamonitor ang presensya sa teroristang Bangsamoro Islamic Freedom Fighters kon BIFF.
Apan gibutyag ni MGen. Subijana nga sama sa npa, dili na kaayo mabati ang ilahang presensya gumikan sa nagka-gamay nilang ihap.
Kini gumikan sa aktibo matud pang pakiglambigit sa lokal nga panggamhanan ug mismong ang kumyunidad nga nanghinaut ug malinawon nga palibot.
Kalabot niini gibutyag ni MGen. Subijana nga minimal nalang ang mga aktibidad sa teroristang biff sama sa pagransport sa Improvised Explosive Device o IED.
Apan sagad matud pa niini ang madakpan pinaagi sa mga checkpoint gumikan sa pagpakabana sa publiko.
Dako man usab ang iyahang pagpasalamat ngadto sa katawhan gumikan sa mga impormasyon nga ginahatag aron nga mapabilin ang kalinaw sa ilahang lugar.
