Gihimakak sa 30th IB Phil. Army ang tahu nga matud pa adunay casualties sa panig sa sundalo sa natigayung engkwentro didto sa brgy. Bobonawon, lungsod sa Mainit, Surigao del Sur.
Sigun ni Lt. Junel Castillo, CMO Officer sa 30th IB Phil. Army nga na-engkwentro sa tropa sa 30th IB ang 10 ka mga sakop sa rebelding New Peoples’ Army (NPA) samtang naglusad ug security patrol ang mga sundalo.
Milungtad sa 10 ka minuto ang engkwentro ug daling nisibog ang mga NPA sa bukirang bahin sa lugar.
Nakita sa encounter site ang pat-ak sa dugo ug gitoohang adunay samdan o napatay sa panig sa NPA ug gipaniguru nga walay napatay ug nasamdan usab sa panig sa mga sundalo.
Na-recover usab sa mga sundalo ang Improvised Explosive Device (IED) ug kalibre .45 nga pistola nga gitoohang iya sa mga NPA.
Unang migawas ang report nga adunay 3 patay ug 2 ang samdan sa panig sa mga sundalo.
