Militar ngan NPA nagka-engkwentro ha N. Samar, usa nga sundalo patay

TACLOBAN CITY – Patay an usa nga sundalo ngan usa naman an samaran matapos magka-engkwentro an pwersa han militar ngan gin-aaaligar New People’s Army (NPA) ha Las Navas, Northern Samar.

Ginkilala an sundalo nga namatay nga hi Private First Class Rommel Deboton ngan samaran naman hi Corporal Jaype Malbas matapos atakihon han mga gin-aaligar NPA an detachment han militar Ha Brgy. San Jose.

Sumala kan 8th Infantry Division Spokesperson Captain Francis Agno, umato an tropa han gobyerno ha mga NPA.


Umabot ha duha kaminuto an engkwentro.

Dead on the spot hi Deboton matapos maigo ha talikuran han iya lawas.

Nakaangkon naman hin igo hin bala han pusil ha butkon hi Malbas ngan padayon nga ginbubulong ha usa nga hospital ha Catublig, Northern Samar.

An mga kasundaluhan in tikang ha 20th Infantry Battalion ha ilarom hiton command ni Lt.Col. Noli Lapizar.

Facebook Comments