Gikompirma ni Major Evan Vinas ang Spokesperson sa Cagayan de Oro City Police kon COCPO ang nahitabong engkwentro sa Barangay Pigsag-an ning syudad.
Matud ni Major Vinas nga naengkwentro sa 65th Infantry Battalion ang 20 ka sakop sa walhong grupo pasado alas dos kagahapon sa hapon.
Dugang pa ni Major Vinas, nga atol sa engkwentro samaran ang usa ka sundalo samtang dako ang pagtoo sa militar nga adunay samaran sa panig sa walhong grupo.
Nasayran nga nagpahigayon og focused military operation ang militar sa lugar dihang nahitabo ang engkwentro nga milungtad sa 20 minutos kapin kon kulang nga sinukliay sa mga bala.
Nasayran usab nga ang maong area agianan sa mga walhong grupo kay kini boundary sa Misamis Oriental, Lanao ug Bukidnon.
Facebook Comments
