Por primeravez ya fuede ya croza el mga myembros del militar con el fuente de Bayabao y Masui que de mas temprano ya ocupa el mga myembros del terorista Maute y ISIS.
Ya encaveza canda Major Generals Rolando Bautista y Danilo Pamonag, Commander of the Joint Task Force Marawi and Commander of the Joint Special Operations Task Force Trident el cruzada na mensyonao mga fuente junto con el mga tropa del militar que ya man guerra por largo tiempo na locaccion para fuede lang coneste captura otravez.
Asegun con General Pamonag, quien ya encaveza tambien del 2013 con el guerra aqui na ciudad de Zamboanga, significante el diila recuvrida del mga fuente cay este el ta sangga con el mga tangke de guerra del militar entra na main battle area donde ta esta el cuantos myembros del terorista grupo con quien ta liquida uno por uno el militar na Marawi.
Dentro del 126 diaz del guerra, 151 soldao y policia el ya muri, mientras 694 terrorista tambien el ya recuvri muerto na Marawi. – *Bhong Simbajon/RMN News*
