Atake sa puso ro gina sugid nga dahilan ko pagkamatay it sangka German National sa sangka resort sa isla it Boracay kahapon nga adlaw it Martes.
Do namatay hay nakilaeang si Kondrad Lothar Beckman 48-anyos nga nakita eon lamang sa anang kwarto nga uwa eon it kabuhi.
Sa report it anang live-in partner sa Boracay PNP nga si Elsa Sancho, nakibot lang imaw kat maabutan nana halin sa anang Therapy Class ro biktima nga uwa eon naga-ginhawa ag dikato hay nangayo man eagi imaw it bulig sa mga tawo sa lugar para madaea sa pribado nga klinika sa isla.
Base man sa pagahayag ni Dr. Maria Christina Teotico it Metropolitan Doctors nga ro ging tunaaan ko kamatayon it biktima hay atake sa puso.
Facebook Comments
