Gumikan sa makaalarma na nga riot, paregla, pagpang luba sa mga nakahithit nga mga miembro sa gang dinhi sa dakbayan sa Butuan, migawas ang usa ka sugyot nga mas maayong “tipion” na lamang kining mga badlungon nga mga batan-on sa siudad arun hingpit kini sila nga mapuo. Gumikan sa maong sugyot, mitumaw ang pag duda nga ang miluba luba sa napulos ka beses sa usa ka 15 anyos nga notorious nga gang leader ug sulod gawas na sa police station trabaho kini sa mga “ VIGILANTE” Apan kining mga pagduda, Gisalikway sa Police Station 1 ang anggulong vigilante ang nipatay sa 15 anyus nga lider sa Gang kinsa gidunggab patay sa P-4, Brgy. San Ignacio, ning syudad sa Butuan niadtong nakalabyang gabie. Gipahayag ni PSI Paul Paden, station commander sa Police Station 1 nga walay laing motibo nga ilang gilantaw sa pagdunggab patay sa biktimang si Antonio Felife Quinal Garcia, 15 anyos, residente sa lugar kundi ang ayaw sa Gang. Giimbistigahan karon sa kapulisan kung kinsa ang laing grupo sa Gang nga nakaaway sa biktima. Niya pa nga posibleng nibalos ang kontra nga Gang ilabina nga naila nga balik-balik na sa bilanggoan biktima. Nigawas ang pagduda nga posibleng vigilante ang pagpatay sa biktima human gipasibaw sa pipila nga kinahanglang masampolan an glider sa Gang aron masulbad ang problema. Sent from my Samsung Galaxy smartphone.
