Sa interbyu sa DXDC RMN Davao kang Kent Simeon, Head sa Municipal Disaster Risk Reduction and Management Office (MDRRMO) Pantukan, giila niini ang mga biktima nga sila Julito Toripil, 24 anyos, Jilbert Lastimado, 25 anyos, ug Arjey Jayson, 23 anyos, mag ig-agaw ug parehong mga residente sa Purok 2, Tibagon, Pantukan.
Matud ni Simeon nga upat sila nga misulod sa tunnel apan didto sila nakasulod sa usa ka abandoned nga agianan asa sila na-expose sa poisonous gas. Nakagawas pa ang usa apan ug nagpakitabang apan wala na naka-survive ang tulo ka biktima.
“Usually man gud kanang abandoned nga (tunnel), accordingly naa syay bacteria nga naga-produce og poisonous gas. Kanang mga organic debris bitaw nga naa sa tunnel. So, presumably, mao toy naka-cause sa exposure,” saysay ni Simeon.
Sa pagkakaron, irekomenda usab ang temporaryong pagpasirado sa sa maong tunnel samtang nagpadayon ang imbestigasyon ug masuta ang sitwasyon.
“Part sa among recommendation nga ipa-stop sa ang operation sa tunnel para ma-avoid nato ang mga insidente nga mahitabo, until such time nga ma-conduct ang assessment or evaluation sa MGB,” sulti sa MDRRMO official.
RadyoMaN Kirby Manzon
