MOISES PADILLA, NEGROS OCCIDENTAL – Nalab-an ang isa ka lalaki bangud gid lamang sang “minaoy” nga sugilanon kagab-i sa banwa sang Moises Padilla.
Nakilala ang biktima nga si Aniceto Boiles, 36 anyos ang edad kag pumuluyo sang Brgy. Inolingan, banwa sang Moises Padilla.
Suno sa awasa sang biktima nga si Janet, 49 anyos ang edad nga ang iya bana kag ang suspek ang magkaupod man lamang inom pasado las 6 kagab-i sa ila lang mismo balay.
Apang bangud nga sobra nga ang ila na “tongga”, nagmauy ang suspek gani ini sila ang nag-away sang biktima.
Nakibot sila sang hinali na lamang nga nagkuha sang espading ang suspek kag ginlabo si Aniceto nga naigo naman sa iya guya kag ulo rason ini gindala sa Corazon Locsin Montelibano Memorial Regional Hospital./dyHB BACOLOD
