Davao City – Gusto lang maseguro sa Commission on Election (COMELEC) nga mamahimong malinawon ug hapsay ang umaabot nga piniliay karong Mayo 13 ning tuiga.
Sumala ni Atty.Krisna Samantha Caballero, COMELEC-XI Information Officer, ang pagpailawom sa ‘election hotspot’ category sa Mindanao gibase kini sa nakalabay’ng 2013 ug 2016 election tungod sa presensya sa nagkadaiyang armadong grupo sama sa Moro National Liberation Front (MNLF) ug Moro Islamic Liberation Front (MILF) ug uban pa.
Hinoon, malaumon ang COMELEC-XI nga matibawas gayud ang usaka malinawong piniliay ilabi na sa Mindanao nunot sa gihimong mga pagpangandam sa kapulisan, militar ug uban pang ahensya sa gobyerno alang sa seguridad nga ipatuman subay sa gipahigayong mga panagtagbo ug kumperensya.
RadyoMaN Bernard Pantallon
