Davao City- Hangtod karon wala pa makadawat og report ang Mindanao Migrants kung aduna bay mga Pilipino nga taga-Region 11 nga naapil sa nahitabong Las Vegas mass shooting sa Nevada, U S A.
Sumala ni Inorisa Elento, Mindanao Migrants chairperson, base sa ilang inisyal nga pagsusi sa ilang talaan, walay taga-Davao o Region 11 nga Overseas Filipino Workers (OFW) nga nanimuyo sa Las Vegas.
Matud ni Elento, aduna silay report nga nadawat diin adunay pipila ka mga OFW nga nasamdan apan dili makumpirmar kung asa kini nagpuyo. Nagtuo si Elento nga kung anaa man, wala kini nagpuyo sa Las Vegas, kondi igo lang mibisita sa maong lugar.
RadyoMan Bernard Pantallon
Facebook Comments
