Pagadian City – Ang proyekto nga interconnection dinhi sa Mindanao ngadto sa Visayas power grids dili lang magpalambo sa sa transmission network sa nasod kundili nag-abli usab kini og dugang oportunidad sa mga katawhan nga makabaton og trabaho.
Ang Mindanao-Visayas Interconnection Project o MVIP, maoy mukutay Mindanao ngadto sa Luzon ug Visayas Grid diin hingpit na nga gisugdan og target nga makompleto sa umaabot tuig 2020.
Sa nagpadayon nga konstrasyon sa proyekto sa tulo ka probinsya sa Mindanao ang Zamboanga del Norte, Zamboanga del Sur, ug Lanao del Norte nakatahag usab kini og panginabuhian sa mga lumulupyo sa lugar ilabina sa mga construction workers.
Mokapin sa 200 ka trabaho ang gi-ablihan sa mga substation ug transmission ning panahon nga gilangkuban sa a bakante nga trabaho sama sa civil ug electrical engineers, timekeepers, safety officers ug nurses, laborers ug skilled workers sama sa panday, welders, masons, warehousemen ug electricians.
Ang MVIP direkta nga moagi sa 35 ka barangay sa mga probinsya sa Visayas ug Mindanao ug ang pagtrabaho niini modagan pa sa duha ka tuig.
Gibutayag ni Elizabeth Ladaga ang NGCP corporate communications officer nga ang NGCP gihatagan na og go-signal sa Energy Regulatory Commission alang sa emplementasyon sa interconnection project nga giplano na sa gobyerno niadto pang 1980.
Gidugang niya nga lauman sa maong interconnection project ang dugang safe ug reliable grid og ilabina mapaminus ang power interruptions.
